Başy » Kitaplar » ПЫГАМБЕРИМИЗИ МЫХМАН АЛАН САХАБА » Хат
«Хөкүмдар Тубба Умейр бин Дурудан Аллахың Ресулы ве небиси болан Мухаммет бин Абдуллаха: Эмма Багд: «Такык мен Саңа ве саңа назыл болан Китаба иман этдим. Сениң диниң хем Сүннетиң яшайшымың гөзбашыдыр. Сениң Реббиңе ве Сениң иман ве Ыслам Шеригатыңа, шейле-де Реббиңден гетирен хабарларың җүмлесине иман этдим. Эгер сениң заманаңа етип билсем не гөзел. Эгер оңа етмесем, Аллахың хузурында маңа шепагат кыл, Кыямат Магшар гүнүнде мени унутма. Чүнки мен сениң умматың оввалкыларындан болуп, хениз гелмәнкәң Сениң Пыгамберлигиңи тассык этдим. Мен Сениң ве педериң Ыбрайым алейхыссаламың миллетиндендирин» (Рухул Беян 3/265, Эл-Мевахибул-лединийе 1/63. «Рум» сүреси; 4-нҗи аят).
Хөкүмдар шу хаты язандан соң, везир-векиллери билен өз ата юрды болан Емене гайдяр. Арадан асырлар гечип, Хатемун-Небиййин-саллаллаху Тагала алейхи веселлем Серверимиз Мединейи-Мүневверә хиҗрет эденде, Эбу Эйюп Эл-Энсары (разыяллаху анх) Ресулы-Экрем саллаллаху Тагала алейхи веселлем Серверимизе хаты говшуряр. Эбу Лейла атлы бириниң говшурандыгы хакында-да маглумат бардыр. Пыгамбер Серверимизе хаты окап беренлеринде: «Салых гардаш, Тубба, мерхаба, салам саңа» дийип, бу җүмләни үч гезек текрарлаяр.
Ымам Суйитиниң «Җами-ус-Сагир» атлы китабында роваят этмегине гөрә, бир хадиси-шерифде Пыгамбер Серверимиз саллаллаху алейхи веселлем шейле буйрупдыр: «Тубба хич сөгмәң, чүнки ол мөмүнди», башга бир роваятда болса, «Ол Ысламды». Чүнки, хөкүмдар Тубба пыгамберликден 700 йыл өң Пыгамбери-Зишан Серверимизе иман эдипди. Духан сүресиниң 28-нҗи аятында Ваҗибул-Вуҗуд Раб-Тагала Хезретлери Туббаның ковмуны айпласа-да, Туббаны айыпламаяр.
Эбу Эйюп (разыяллаху анх) ёкардакы хатдан башга-да Туббаның язып гиден бейитлерини-де өз янында саклаяр экени: ол хатда шейле дийилйәр: «Ахмет ады билен гелҗек. Ол Мүбәрек Зады кудси-симатын Халикул Эрвах болан. Хак Җелле ве Аллахың Хак Пыгамберидигине мен хәзирден шаятлык эдйәрин. Эгер мен өлмән О гелйәнчә яшайсам, онуң я везири я-да мүмкин болса доганы болмак, иң якынларындан бири болмак багтына етердим».
Ресулы Кибрия саллаллаху алейхи веселлем Серверимиз бу шерепли өйде алты ай говрак яшаяр. Соң бу өй Эбу Эйюп разыяллаху анхуның чагаларына, соңра-да Эфлах атлы хызматчысына табшырыляр. Эфлах Эбу Кесир лакамы билен таналып, ол Эбу Эйюп Эл-Энсарының азатлыга чыкаран хызматкәри болуп, табеин (сахабалары гөрен адамлар) неслиниң улусыдыр. Хадис роваят этмекде Алийюл Кадрдир (дереҗеси бейикдир). Хезрети Омар, Осман ве Абдуллах ибни Селамдан роваятлары бардыр. Ол 53 яшында арадан чыкяр. Арадан бирнәче вагт геченсоң, Эфлах бу өйи Мугыйре бин Абдырахман бин Харис бин Хишама он мүң алтын төвереги пула сатяр. Мугийре хем өйи бирнеме тимарлап, Мединейи-Мүневверәниң гарып бирине пешгеш берйәр.
Вагтың гечмаги билен Эбу Эйюп Эл-Энсары разыяллаху анхуның өйи алымлар үчин медресе хөкмүнде уланылып, ичинде бир отагыны китапхана эдипдирлер. Эмма йылларың агыр кервени бу шерепли өйүң харап болмагына себәп боляр. Диңе Пыгамбер Серверимиз саллаллаху алейхи веселлемиң дүесиниң чөкен ери ве гапының өңүндәки язгы хем-де өйүң ичерсиндәки мәхрап мәлим дийәймесең башга затларың әхлиси вейран болупдыр. 1261-нҗи йылда бу өйүң ерине «Шихабийе Завиеси» дийип, бир дергәх гурдурыляр. Хәзирки вагтда бу ер Завиейи Җүнейдие диен ат билен мешхурдыр.