Başy » Kitaplar » ПЫГАМБЕРИМИЗИ МЫХМАН АЛАН САХАБА » Эбу Эйюбың Вахие (Алла Тагала тарапындан Җебрайыл перишдәниң арада дурмагы билен гелен Куръана) кәтиплик этмеги хем байдак гөтериҗилиги хакында
Пыгамбер Серверимиз саллаллаху алейхи веселлем Хезретлери «Үмми» ди. Ягны окамагы, язмагы билмейәрди. Хак Тагала Хезретлери онуң уммилиги хакында Куръаны-Керимде шейле буйряр: «Эй, Хабибим! Сен Куръаны-Керим индирилмезден овал китап окап я-да саг элиң билен язып билмейәрдиң. Эгер вахыйдан овал окап-язып билйән болсадың, мүшрүклер саңа шүхеленердилер» («Анкебут» сүреси, 48-нҗи аят).
Куръаны-Керим Эбу Бекир, Омар, Осман, Али, Халид, Муайкыб, Эбан, Шурахбил, Муавийә, Абдуллах бин Эркам, Эбу Эйюп Эл-Энсары, Зубейр ибнул Аввам, Мугыйре, Бурейде, Сухейл, Хатиб разыяллаху анхум эҗмаин ялы вахий кәтиплери тарапындан языландар.
* * * * * * * * * * * * * * * * * * *
Мыхмандар келимеси-парсча болуп манысы «мыхманы кабул эдйән кимсе» диймекдир. «Алемдар» келимеси болса «алемден» алнып, өзи-де арап сөзи болуп, байдак гөтериҗи диен манысы бардыр. Эбу Эйюп Эл-Энсары разыяллаху анху «мыхмандарлык» дереҗеси билен ил ичинде мешхурлык газанандыр. Халид Эбу Эйюп разыяллаху анху Пыгамбер серверимиз саллаллаху алейхи веселлем билен әхли урушлара гатнашандыгына серетмезден хич хачан байдак гөтериҗилик этмәндир. Диңе Хезрети Алының гошунларының Нехреван сөвешинде байдак гөтериҗилик везипесини ерине етирипдир.