Başy » Kitaplar » ПЫГАМБЕРИМИЗИ МЫХМАН АЛАН САХАБА » Эбу Эйюбың хач меселесиндәки бир питивасы
Ихрамда болан бир кимсәниң келлесини ювмагының догрудыгы, нәдогрудыгы хакында Абдуллах ибни Аббас разыяллаху анху ювуп билер дийсе, Мисвер бин Махрем болса, ювуп билмез дийип питива берйәр. Шу шүбхели меселәни чөзмек үчин Абдуллах ибни Аббас разыяллаху анху Эбу Эйюп Эл-Энсары разыяллаху анхуның янына Абдуллах бин Хунейни гөндерйәр. Ибни Хунейн Эбу Эйюп Хезретлерини ихрамлы ягдайда бир гуйының янында келлесини ювуп дурандыгыны гөрйәр. Ол бир көйнек биле беденини өртен экени. Ибни Хунейн салам берип:
-Эй, Эба Эйюп! Мени сизи яныңыза Абдуллах ибн Аббас разыяллаху анху иберди. Ол Ресул Алланың ихрамда вагты башыны нәхили ювяндыгыны өвренмек ислейәр диенде, Эбу Эйюп үстүндәки өртен матасыны дөшүне ченли чекип, хызматчысына сув гуймаклыгы эмр эдйәр ве элини кә илери, кә гайры сүрүп келлесини овкалашдыряр-да:
-Ине, Ресул Алла ихрамда вагты башыны шейле юваныны гөрдүм-дийип, жогап берйәр.
Совалың җогабыны Абдуллах ибни Хунейн ибни-Аббас биле Мисвере хабар беренде Мисвер, ибни-Аббаса:
-Инди гайдып мен сиз билен җеделе гирмен-дийипдир.
* * * * * * * * * * * * * * *
Бир гезек Эбу Эйюп Эл-Энсары разыяллаху анху Мекгейи-Мүкерремеде Сапа биле Мерве арасында Пыгамбер Серверимизиң Мүбәрек Сакгалы-Шерифлерине бир гушуң түйүниң дүшендигини гөрүп, Пыгамбер алейхыссаламы җаны-тени билен сөййәндиги үчин, Ол саллаллаху алейхи веселлемиң Мүбәрек Сакгалы-Шерифине гушуң екеҗе түйүниң дүшмегини-де рова гөрмән, деррев оны айырмак үчин Ресулы-Кибриядан ругсат сораяр. Рауф хем Рахим болан Солтанул-Энбия саллаллаху алейхи веселлем Эбу Эйюп разыяллаху анхуның бу херекетинден хошал болуп:
-Эй, Эбу Эйюп, иншааллах индиден соң саңа хич хачан эрбетлик тәсир этмесин-дийип, дога эдйәр, башга бир роваятда болса: «Алла җелле ве Ала сени халамаян затларындан горасын» диййәр.