Başy » Kitaplar » ПЫГАМБЕРИМИЗИ МЫХМАН АЛАН САХАБА » Эбу Эйюбың Стамбула гелмеги
Хиҗретиң кәбир маглуматлара гөрә 43-нҗи, кәбир маглуматлара гөрә болса 48-нҗи йылында Бүср гошуны гуры ерден, Фузале бин Убейд разыяллаху анхуның баштутанлыгындакы гошун болса, деңиз ёлы билен Рума хат-да Константиниййә ягны Стамбула ченли барярлар. Оларың арасында Эбу Эйюп Эл-Энсары разыяллаху анху хем боляр. Йөне бу сапарда ачлык зерарлы өлүм-йитимиң көп болмагы себәпли, Шама гайтмага меҗбур болярлар.
Хиҗретиң 49-нҗы хем 51-нҗи йылларында Ыслам гошуны өңки баштутанларының гошунбашылык этмегинде Стамбула тарап ёла дүшйәр. Муавия разыяллаху анху өз оглы Езиди-де гошуның ызы билен иберйәр: Бу сөвешде Суфян бин Авф хем Эбу Эйюб Эл-Энсары разыяллаху анху икиси-де шехит боляр. Эбу Эйюп эл-Энсары разыяллаху анхуның шехит эдилен ери хем онуң мүбәрек габры хакында ызда гиңишлейин маглумат берилҗекдир. Хак Субханеху ве Теаланың гудрат-керемине середиң ахыры: Ол Мүҗәхиди Агзам Халид Эбу Эйюп Эл-Энсары разыяллаху анхуның гөрешлерде уланан гылыҗы бу гүн Стамбулда Топгапы Көшгүнде Мукаддес аманатларың арасында сакланяндыр.