بِسْمِ اللهِ الرَّحْمنِ الرَّحِيمِِ

Hikmetler ummanyndan:

Șeýtan bäş wagt namazyny okaýan adamyň ýanyna golaýlaşmaga gorkýandyr. Ol adam namazyny taşlasa, şeýtan onuň üstüne topulyp, süňňüne ornaşýar.

Başy » Magtymguly Pyragynyň goşgulary » DINI BILÄNI (ДИНИ БИЛӘНИ )

بِسْمِ اللّهِ الرَّحْمنِ الرَّحِيم

 

DINI  BILÄNI

Bäş işi berjaý kyl, musulman bolsaň,

Ýöri Muhammediň dini biläni.

Ýüz ýigrimi dört müň pygamber ötdi,

Her biri bir ymmat sany biläni.

 

Ryzwanlar giderler gapy köşgüne,

Gijeler ýagtylar göwher yşgyna,

Aly, Hatam başlar jennet işigne,

Jomartlar geçerler nany biläni.

 

Sap-sap gurup, hüýr gyzlardan gözledip,

Saýlap alar her birinden hezil edip,

Byrag atyn çar tarapa hyzladyp,

Şehidler geçerler gany biläni.

 

Roza-hemdemindir, namazyň-çyrag,

Zekat-hasabyňdyr, imanyň ýarag,

Bu gün bir at berseň, magşar gün Byrag,

Çekerler gyzyldan zini biläni.

 

Magtymguly mestan, yşk jamyn içer,

Kim ajal elinden gutular, gaçar,

Syrat köprüsünden salamat geçer,

Haka gulluk eden jany biläni.   
ДИНИ  БИЛӘНИ

Бәш иши берҗай кыл, мусулман болсаң,

Йөри Мухаммедиң дини биләни.

Йүз йигрими дөрт мүң пыгамбер өтди,

Хер бири бир ыммат саны биләни.

 

Рызванлар гидерлер гапы көшгүне,

Гиҗелер ягтылар гөвхер ышгына,

Алы, Хатам башлар җеннет ишигне,

Җомартлар гечерлер наны биләни.

 

Сап-сап гуруп, хүйр гызлардан гөзледип,

Сайлап алар хер биринден хезил эдип,

Быраг атын чар тарапа хызладып,

Шехидлер гечерлер ганы биләни.

 

Роза-хемдеминдир, намазың-чыраг,

Зекат-хасабыңдыр, иманың яраг,

Бу гүн бир ат берсең, магшар гүн Быраг,

Чекерлер гызылдан зини биләни.

 

Магтымгулы местан, ышк җамын ичер,

Ким аҗал элинден гутулар, гачар,

Сырат көпрүсүнден саламат гечер,

   Хака гуллук еден җаны биләни.