بِسْمِ اللهِ الرَّحْمنِ الرَّحِيمِِ

Hikmetler ummanyndan:

Ulamalaryň jemagatyndan habar berilýär, Beýik Allah Muhammet (s.a.w.) pygamberi bäş keramat bilen beýgeldipdir: 1) ady bilen; 2) bedeni bilen; 3) sowady bilen; 4) ýalňyşy bilen; 5) razylyk bilen.

Başy » Magtymguly Pyragynyň goşgulary » BINAMAZ ÇIRKIN (БИНАМАЗ ЧИРКИН)

بِسْمِ اللّهِ الرَّحْمنِ الرَّحِيم

 

BINAMAZ   ÇIRKIN

 Gulak sal, ýagşyrak diňle,

Sözümni, binamaz çirkin,

Jähennem diýdiler, aňla,

Ýeriňni, binamaz çirkin.

 

Ýylanlar çyrpynyp haşlar,

Melekler janyňa başlar,

Içýanlar öwrülip dişlär,

Teniňni, binamaz çirkin.

 

Ýüzüňi oda ýandyrlar,

Içiňni zähre doldyrlar.

Çekip, kyrk arçyn süýdirler

Diliňni, binamaz çirkin.

 

Puşeýmanlar kylyp anda,

Aýagynda agyr künde,

Garaldarlar seniň şonda

Ýüzüňni binamaz çirkin.

 

Serinden köp geçer küýler,

Ýataryň ataşy:n öýler.

Tutarlar şatlaşyp möýler

Teniňni, binamaz çirkin.

 

Başyňny aşak asarlar,

Iki goluňny keserler,

Pyçaklar bile soýarlar

Deriňni, binamaz çirkin.

 

Magtymguly düşer derde,

Niçik ýatyp bolar gö:rde,

Görer sen taňla magşarda

Görgiňni, binamaz çirkin.

БИНАМАЗ   ЧИРКИН

 Гулак сал, ягшырак диңле,

Сөзүмни, бинамаз чиркин,

Җәхеннем дийдилер, аңла,

Ериңни, бинамаз чиркин.

 

Йыланлар чырпынып хашлар,

Мелеклер җаныңа башлар,

Ичянлар өврүлип дишләр,

Тениңни, бинамаз чиркин.

 

Йүзүңи ода яндырлар,

Ичиңни зәхре долдырлар.

Чекип, кырк арчын сүйдирлер

Дилиңни, бинамаз чиркин.

 

Пушейманлар кылып анда,

Аягында агыр күнде,

Гаралдарлар сениң шонда

Йүзүңни бинамаз чиркин.

 

Серинден көп гечер күйлер,

Ятарың аташы:н өйлер.

Тутарлар шатлашып мөйлер

Тениңни, бинамаз чиркин.

 

Башыңны ашак асарлар,

Ики голуңны кесерлер,

Пычаклар биле соярлар

Дериңни, бинамаз чиркин.

 

Магтымгулы дүшер дерде,

Ничик ятып болар гө:рде,

Гөрер сен таңла магшарда

   Гөргиңни, бинамаз чиркин.