Başy » Magtymguly Pyragynyň goşgulary » GÜZEŞT EÝLE
Eý, kerimi-käri saz,
Günähim güzeşt eýle!
Eý, rahymy-çare saz,
Günähim güzeşt eýle!
Ermese kerem senden,
Gitdi ygtyýar menden,
Jürmüm çykardym çenden,
Günähim güzeşt eýle!
Ýüz gam birle tende jan,
İsteýir senden aman,
Fazlyñ birle, ýa, subhan,
Günähim güzeşt eýle!
Gerçe oldum günäkär
Setr eýle aýbym, setdar,
Kerem eýle, ýa, Gaffar,
Günähim güzeşt eýle!
Lutfuññy yzhar eýleý,
Köñlümni karar eýleý,
Towfygyññ ýar eýleý,
Günähim güzeşt eýle!
Akyl ýetmez zatyna,
Pikir irmez sypatyna,
Birligiñ hormatyna
Günähim güzeşt eýle!
Maligi-mahluk, her ne,
Kim ýetdi sunguñ syrayna,
Üç müñ ismiñ hatyryna,
Günähim güzeşt eýle!
Biz biçäre ummatnyñ,
Ummaty-Muhammetniñ
Hormatyna Ahmetniñ,
Günähim güzeşt eýle!
Sunguñ düşüp şowkuna,
Etdiñ ahmet zowkuna,
Asman, zemin hakyna
Günähim güzeşt eýle!
Sahylar yhsany çün,
Şehitleriñ gany çün,
Jünbendeler jany çün,
Günähim güzeşt eýle!
Saña bakan ýüzler çün,
Sen diýp ýyglan gözler çün,
Hamdyñ okan sözler çün,
Günähim güzeşt eýle!
Gökde ýyldyz hormaty,
Ýerde nowruz hormaty,
Gije-gündiz hormaty
Günähim güzeşt eýle!
Belent daglar hakyna,
Çölde gyrlar hakyna,
Ýerler, suwlar hakyna,
Günähim güzeşt eýle!
Senden bolmasa haraý,
Bu meniñ halymga, waý,
Pyragy diýr, ýa, hudaý,
Günähim güzeşt eýle!