Başy » Magtymguly Pyragynyň goşgulary » BIGÜMÄN ÝANDYR (БИГҮМАН ЯНДЫР)
بِسْمِ اللّهِ الرَّحْمنِ الرَّحِيم
|
BIGÜMAN ÝANDYR Ertiri okysaň namazy-bamdat, Ruzu şeb günäni bigüman ýandyr. Uçmaha ýüzlenseň, ýollary abat, Köwserde tört aryk bar, abyna gandyr. Peýşini okysaň, üzer sen parzy, Kabuldyr Alladan dilegen arzy, Behiştiň işigin açar tört parzy, Golun açyp, röwşen tagtyna mündir. Allany ýat edip tursaň säherde, Hak bilen arada galmagaý perde, Tört parzy okyýsaň namazy-digerde, Alymlar namazyň hadysyn indir. Agşamy okanda, şeýtanlar aglar, Göwsüne daş urup, synasyn daglar, Dowzahyň işigin üç parzy baglar, Sabyr etseň, dowzah oduny söndir. Huftanda wütür okyp ýatsaň serişde, Razy bolar senden Kunut perişde, Eger berjaý etseň uşbu röwüşde, Haýrуňny paş edip, şeriňni söndir. Magtymguly, munda durmaz sen baky, Elmydam-subhu şam ýat eýle Haky, Bäş wagt namazyňny sen ýagşy oky, Ataşy-dowzahyň baryny söndir. |
БИГҮМАН ЯНДЫР
Эртири окысаң намазы-бамдат, Рузу шеб гүнәни бигүман яндыр. Учмаха йүзленсең, ёллары абат, Көвсерде төрт арык бар, абына гандыр. Пейшини окысаң, үзер сен парзы, Кабулдыр Алладан дилеген арзы, Бехиштиң ишигин ачар төрт парзы, Голун ачып, рөвшен тагтына мүндир. Алланы ят едип турсаң сәхерде, Хак билен арада галмагай перде, Төрт парзы окыйсаң намазы-дигерде, Алымлар намазың хадысын индир. Агшамы оканда, шейтанлар аглар, Гөвсүне даш уруп, сынасын даглар, Довзахың ишигин үч парзы баглар, Сабыр етсең, довзах одуны сөндир. Хуфтанда вүтүр окып ятсаң серишде, Разы болар сенден Кунут перишде, Егер берҗай етсең ушбу рөвүшде, Хайрыңны паш едип, шериңни сөндир. Магтымгулы, мунда дурмаз сен бакы, Елмыдам-субху шам ят ейле Хакы, Бәш вагт намазыңны сен ягшы окы, Аташы-довзахың барыны сөндир. |