Başy » Makalalar » Yslam älemi Günbatar birleşigine saçak bolmakdan halas däldir
F.Güleniň "Soňsuz nur" diýen kitabyndan bölekler.
Kitap Türkmenistanyň Müftiliginiň rugsady bilen çapdan çykdy.
Serwerimiz sallallahu aleýhi wesellem häzirki döwrümize degişli hadysalar barada hem habar beripdi. Ynha, olardan biri:
"Ymmatlar, milletler ynsanlaryň biri-birlerini saçaga çagyryşlary ýaly bir-birlerini siziň üstüňize çagyrar we olar hem sizi basyp alar." Biri sowal berdi: "Biziň azlygymyzdanmy?" Allanyň Resuly: " Ýok, gaýta tersine siz şol gün gaty kän bolarsyňyz. Emma siliň getiren çör-çöpleri ýaly netijesiz... Alla duşmanlaryňyzyň ýüreginden size bolan gorkyny aýyrar we siziň ýüregiňize-de wehim salar" diýdi. Ýene biri sorady: "Eý, Allanyň Resuly wehim nämedir?" Ol jogap berdi: "Ölüme garşy islegsizlik we dünýä söýgüsi!"
Bu aýdylanlardan ilki bilen şulary düşünýäris: Bir gün geler, milletler ýygyn-ýygyn üstümize geler. Saçakda nahary paýlaýşymyz ýaly ýer asty we ýer üsti baýlyklarymyzy özaralarynda paýlaşarlar. Hawa, ähli baýlyklrymyzy alarlar we edil saçagyň başynda otyrkalar ýüzbe-ýüz gözümize arkaýyn seredişleri ýaly baýlyklarymyzy penjeläp alarlar. Biz bolsa nahaary taýýarlap öňleriinde goýarys. Olar hem işdämenlik bilen önlerindäkileri ýuwudarlar. Bu näme üçin beýle bolar? Sebäbi ol wagt biz, kökli agaçlar däldiris. Hatda siliň getiren çöp-çalamlaryna meňzäris. Hawa, biz daşky görnüşimiziň we içki dünýämiziň tapawutlylygy sebäpli partiýalar we dürli düşünjeler arkaly biri-birimizi iýip tükedýärkäk olar dünýä bähbitleriniň daşdynda jemlenip, bütewleşdiler we bizi bakna etdiler. Ilki olar bizden gorkardylar. Sebäbi olar ölümden gaçsalar, biz ölümiň üstüne giderdik we dünýäni hiç bir zat hasaplamazdyk. Häzir bolsa biz ölümden gaçýarys we dünýäni has gowy görýäris. Olar hem biziň bu gowşaklygymyzdan peýdalanyp, iň agyrly ýerimizden urýarlar.
Ilki göräýmäge haçly ýörüşlerini ýatladýan bu hadys biraz çuň düşünilse, has ýakyn wagtda dörän hadysalara yşarat edýändir.
Raýyf Karadag Nebit tüweleýi atly bir kitap ýazdy. Ol soňra tüweleýi döredenler tarapyndan öldürildi. Çünki onuň kitabynda IX we XX asyrda türk ynsanynyň başyna gelen uruşlar, beýleki ýurtlaryň-da türki dünýäni basyp alyşy ýazylýardy.
Döwleti Aliniň (Osmanly döwleti) - men oňa imperiýa diýilmegine garşydyryn. çünki ol döwlet bir imperiýa däldi. Sahaba we Tabiýiň döwründen soňra gelen-geçen iň beýik we uly döwletdi. Muňa diýilse, Döwletaly diýiler - daşyna saçaga üýşen ýaly üýşüpdiler. Ähli dertleri, bu giň we baý topragyň ýerasty we ýerüsti baýlyklaryna eýe bolmakdy. Taryhda ýüze çykan haçly ýörişleriň iň ulusy bu hereket bilen deňeşdirsek has kiçi görner. Hawa, bir-birini bir saçaga çagyran ýaly töwreklerini çagyrdylar we ýurduň ähli baýlyklaryny aralarynda paýlaşdylar.
O döwrüň hyýanat çarhyny aýlan düşünje Hezreti Osman we Hezreti Alynyň (radiýallahu anhum) arkasyndan hanjar urup, asyry sagadaty gana boýapdy. Döwleti Alini hem olaryň agtyklary arkasyndan urdy we yslam dünýäsini başsyz goýdular.
Ýazylan we nygmatlar goýlan saçaga çozan kimin daşymyza aýlandylar. Akifiň aýdyşy ýaly: "Kimi hindu, kimi ganhor, kimi bilmen ne bela" jem bolup Döwleti Alini taladylar.
Haçlylar bir mahal biziň üstmize belli bir düşünje bilen çozupdylar. Bu ol günüň akmak Ýewropasynyň çözüş usulydy. Ýygyndydan ýygnanan biweç adamlar, özleriçe Hezreti Merýemiň mazaryny azat etmäge gelýärdiler. Biziň nazarymyzda Hezreti Merýem olaryň düşünje we ynançlaryndan has ýokarydy. ...
Meniň aýtmak islýänim şudur: Allanyň Resulynyň bu tema bilen baglanşykly hadyslaryndy yşarat edenleri bu düşünjäniň netijesi, taýýarlanan haçly ýörişleri däldir, belki, ýakyn wagtda ähli eýmençligi bilen görenimiz we şu döwürde-de görýänimiz gorkunç bir Günbatar birleşigidir. Heniz hem yslam älemi olara saçak bolmakdan halas däldir. Görüşimiz ýaly, XIV asyr owal aýdylanlar bu gün sözlemi sözlemine ýüze çykýar we ýaşalýar.
Ыслам әлеми Гүнбатар бирлешигине сачак болмакдан халас дәлдир
Ф.Гүлениң "Сoңсуз нур" диен китабындан бөлеклер.
Китап Түркменистаның Мүфтилигиниң ругсады билен чапдан чыкды.
Серверимиз саллаллаху алейхи веселлем хәзирки дөврүмизе дегишли хадысалар барада хем хабар берипди. Ынха, олардан бири:
"Ымматлар, миллетлер ынсанларың бири-бирлерини сачага чагырышлары ялы бир-бирлерини сизиң үстүңизе чагырар ве олар хем сизи басып алар." Бири совал берди: "Бизиң азлыгымызданмы?" Алланың Ресулы: " Ёк, гайта терсине сиз шол гүн гаты кән боларсыңыз. Эмма силиң гетирен чөр-чөплери ялы нетиҗесиз... Алла душманларыңызың йүрегинден сизе болан горкыны айырар ве сизиң йүрегиңизе-де вехим салар" дийди. Ене бири сорады: "Ей, Алланың Ресулы вехим нәмедир?" Ол җогап берди: "Өлүме гаршы ислегсизлик ве дүнйә сөйгүси!"
Бу айдыланлардан илки билен шулары дүшүнйәрис: Бир гүн гелер, миллетлер йыгын-йыгын үстүмизе гелер. Сачакда нахары пайлайшымыз ялы ер асты ве ер үсти байлыкларымызы өзараларында пайлашарлар. Хава, әхли байлыклрымызы аларлар ве эдил сачагың башында отыркалар йүзбе-йүз гөзүмизе аркайын середишлери ялы байлыкларымызы пенҗеләп аларлар. Биз болса нахаары тайярлап өңлериинде гоярыс. Олар хем ишдәменлик билен өнлериндәкилери ювударлар. Бу нәме үчин бейле болар? Себәби ол вагт биз, көкли агачлар дәлдирис. Хатда силиң гетирен чөп-чаламларына меңзәрис. Хава, биз дашкы гөрнүшимизиң ве ички дүнйәмизиң тапавутлылыгы себәпли партиялар ве дүрли дүшүнҗелер аркалы бири-биримизи ийип түкедйәркәк олар дүнйә бәхбитлериниң дашдында җемленип, бүтевлешдилер ве бизи бакна этдилер. Илки олар бизден горкардылар. Себәби олар өлүмден гачсалар, биз өлүмиң үстүне гидердик ве дүнйәни хич бир зат хасапламаздык. Хәзир болса биз өлүмден гачярыс ве дүнйәни хас говы гөрйәрис. Олар хем бизиң бу говшаклыгымыздан пейдаланып, иң агырлы еримизден урярлар.
Илки гөрәймәге хачлы йөрүшлерини ятладян бу хадыс бираз чуң дүшүнилсе, хас якын вагтда дөрән хадысалара ышарат эдйәндир.
Райыф Карадаг Небит түвелейи атлы бир китап язды. Ол соңра түвелейи дөреденлер тарапындан өлдүрилди. Чүнки онуң китабында IX ве XX асырда түрк ынсанының башына гелен урушлар, бейлеки юртларың-да түрки дүнйәни басып алышы язылярды.
Дөвлети Алиниң (Османлы дөвлети) - мен оңа империя дийилмегине гаршыдырын. чүнки ол дөвлет бир империя дәлди. Сахаба ве Табийиң дөврүнден соңра гелен-гечен иң бейик ве улы дөвлетди. Муңа дийилсе, Дөвлеталы дийилер - дашына сачага үйшен ялы үйшүпдилер. Әхли дертлери, бу гиң ве бай топрагың ерасты ве ерүсти байлыкларына эе болмакды. Тарыхда йүзе чыкан хачлы йөришлериң иң улусы бу херекет билен деңешдирсек хас кичи гөрнер. Хава, бир-бирини бир сачага чагыран ялы төвреклерини чагырдылар ве юрдуң әхли байлыкларыны араларында пайлашдылар.
О дөврүң хыянат чархыны айлан дүшүнҗе Хезрети Осман ве Хезрети Алының (радияллаху анхум) аркасындан ханҗар уруп, асыры сагадаты гана бояпды. Дөвлети Алини хем оларың агтыклары аркасындан урды ве ыслам дүнйәсини башсыз гойдулар.
Язылан ве ныгматлар гойлан сачага чозан кимин дашымыза айландылар. Акифиң айдышы ялы: "Кими хинду, кими ганхор, кими билмен не бела" җем болуп Дөвлети Алини таладылар.
Хачлылар бир махал бизиң үстмизе белли бир дүшүнҗе билен чозупдылар. Бу ол гүнүң акмак Европасының чөзүш усулыды. Йыгындыдан йыгнанан бивеч адамлар, өзлериче Хезрети Меремиң мазарыны азат етмәге гелйәрдилер. Бизиң назарымызда Хезрети Мерем оларың дүшүнҗе ве ынанчларындан хас ёкарыды…
Мениң айтмак ислйәним шудур: Алланың Ресулының бу тема билен багланшыклы хадысларынды ышарат эденлери бу дүшүнҗәниң нетиҗеси, тайярланан хачлы йөришлери дәлдир, белки, якын вагтда әхли эйменчлиги билен гөренимиз ве шу дөвүрде-де гөрйәнимиз горкунч бир Гүнбатар бирлешигидир. Хениз хем ыслам әлеми олара сачак болмакдан халас дәлдир. Гөрүшимиз ялы, XIV асыр овал айдыланлар бу гүн сөзлеми сөзлемине йүзе чыкяр ве яшаляр.
agajan.8m.com