Başy » Кuran » Mугаллым саны » Истинҗа
Адам аяк ёлуна гидип, ишини битиренден соңракы арассаланмагы шейле атландырыляр. Адам аяк ёлуна отуранда ики ёлундан хем (өңүнден хем ызындан) неҗасат чыкса, оввал кесек, даш, арасса мата, хатсыз арасса кагыз ялы затлар билен артбуҗагыны хас арасса болянча арассаламалыдыр. Эгер ёкарда агзалан затлар болмаса, я-да болаянда хем сув билен ашагыны ювмак долы ругсатдыр. Ёкардакы затлар билен арассаланмаклык сүннетдир. Шейле усулда арассаланмак үчин герек болан кесегиң я-да башга затларың саны ёкдур. Олары тә арасса болянчаң уланыбермелидир. Ондан соңра, ягны сүпүрнеңден соңра сув билен артбуҗагы ве өңүни ювмак эдепдендир. Эгер-де артбуҗагында хапа зат – дирхем (бир көпүк) мукдарында галан болса, онда шол ери ювмак ваҗыпдыр (хөкмандыр). Артбуҗагы ювланда – чеп элиң бармакларыны оңа голай эдип, саг элиңдәки күндүкден сув гуюп, чеп элиң бармакларының ясалан ери билен ювмалы. Бармагың уҗуны я-да элиң аясыны артбуҗга элтмели дәлдир. Артбуҗагы гөвнүңе җай болянча ювмалы. Бу ишлерден соң эсбабыны даңандан соң ики эли ювмалы. Алымларың кәбири: «Шу ики эли ювмалы дийилдиги – тәрет кылмак үчин ики элиңи ювмакдыр» дийипдир. Эгер-де намаз окамаҗак болсаң, я-да тәрет кылмаҗак болсаң, он-да ики элиңи ювуп отурсаң хем болар.
Аяк ёла отурланда кыбла йүзүңи өвүрип отурмак я-да аркаңы кыбла эдип отурмак болмаз, ягны мекрухдыр.