Başy » Kitaplar » ЗАХЫТЛЫК КИТАБЫ » ЫНСАНЛАРЫ ГҮЛДҮРМЕК ҮЧИН ЯЛАН СӨЗЛЕЙӘНЛЕР ХАКДА
Бехз ибн Хеким атасының Ресулалладан эшиден, какасының хем ондан роваят эден шу хадысыны айтды. Пыгамбер алайхыссалам шейле дийди: «Ынсанлары гүлдүрмек үчин ялан сөзлейән кишиниң дат халына! Оңа языклар болсун! Оңа языклар болсун!».
* * *
Абу Хурейра шейле диййәр: «Ресулалла айтды: «Бенде диңе ынсанлары гүлдүрмек үчин айдан ялан сөзи себәпли, асман билен ер арасындакы затлардан хем пес хала дүшер. Себәби ол дили себәпли аякларының таймагындан хем хас бетер таяр».
* * *
Абу Хурейрадан гелен бир хадысда пыгамбер алайхыссалам шейле диййәр: «Хер эшиден задыңы айдып йөрмек ынсана гүнә хөкмүнде делилдир».
* * *
Абу Бекр шейле диййәр: «Ялан сөзлемекден даш дуруң! Себәби ялан имандан дашлашдыряндыр».
* * *
Ибн Омар шейле диййәр: «Ресулалла айтды: «Кыямат гүни башдан ахыра әхли ынсанлар йыгнананда, яланчы киши үчин «яланчы» дийлип бир байдак дикилер ве оңа: «Бу өрән яланчы, пылан оглы пыландыр» дийлер.